"Торино" ҳужумчиси Андреа Белотти фаолиятини "Интер"да давом эттириши мумкин.
L'Interista нашри хабарига кўра, "нерадзуррилар" хўжайинларига июль ойида Италия терма жамоаси таркибида Европа чемпиони бўлган 27 ёшли "буқалар" ҳужумчисини сотиб олиш таклиф қилинган.
Яқинда Ромелу Лукакуни "Челси"га трансфер қилганини ҳисобга олсак, миланликлар трансфери 35-40 миллион еврога баҳоланаётган ҳужумчини сотиб олиши мумкин.
Эслатиб ўтамиз, ўтган мавсум Белотти А Сериянинг 35 ўйинида 13 та гол урди ва 6 та голли узатмани амалга оширди.
