"Ювентус" нинг янги футболчиси Мануэль Локателли Турин клубига ўтиши ҳақидаги таассуротлари билан ўртоқлашди.
"Ювентус"даги дебютим интиқлик билан кутмоқдаман. Мен Туринга келдим, чунки мен бунга лойиқман. Биз бу мавсумда совринларни қўлга киритиш учун бор кучимизни ишга соламиз. Бу клубда ғалаба қозониш менталитети бор ва шунинг учун мен бу ерга келдим", - дея италиялик футболчининг сўзларини келтиради Football Italia нашри.
Эслатиб ўтамиз, Локателли "Ювентус"га "Сассуоло"дан сотиб олиш шарти билан икки йиллик шартномага имзо чекди. Аввалроқ, футболчига "Арсенал" даъвогарлик қилаётгани, аммо унинг ўзи Италияда қолмоқчи бўлгани ҳақида хабар берилганди.
