"Тоттенхэм" бош мураббийи Нуну Эспириту Санту янги марказий ярим ҳимоячини сотиб олмоқчи.

Fichajes нашрининг сўзларига кўра, португалиялик мураббий таркибни кучайтиришни мақсад қилган ва "шпорлар" раҳбариятидан "Гранада" футболчиси Домингуш Дуартенинг трансферини расмийлаштиришни сўради.

26 ёшли португалияликнинг амалдаги шартномаси 2023 йилда ўз якунига етади, шу сабабли, испан клуби футболчини трансферга қўйиши мумкин. Лондон клуби эса ушбу вазиятдан фойдаланиб қолмоқчи. Қолаверса, клуб ўтган мавсумда ЖЧ -2022 саралашида Португалия терма жамоасида дебют қилган Дуартенинг шахсий шартномаси учун кўп пул сарфлашига тўғри келмайди.