Европа Лигаси 1/16 финал босқичи доирасида бўлиб ўтадиган "Манчестер Юнайтед"га қарши ўйин олдидан Нидерландия полицияси "Аякс"нинг 76 нафар фанатини ҳибсга олди. Бу ҳақида Англиянинг Guardian нашри хабар бермоқда.
Қўлга олинган мухлисларда кастетлар ва портловчи газ билан тўлдирилган баллонлар бўлган. Шунингдек улардан наркотик моддалар ҳам чиққан. Ҳибсга олинганларнинг ҳар бирини 600 евро миқдордаги жарима кутиб турибди.
Бунтан ташқари полиция "Андерлехт"нинг 54 нафар мухлисини ҳам қўлга олган бўлиб, улар голландларга тўз-тўполон уюштириш ишларида кўмаклашишга келишганди. Оқибатда белгияликлар ватанларига қайтариб юборилди.
