"Барселона" яримҳимоячиси Илайш Мориба қайси терма жамоада ўйнашини маълум қилди.
Cadena SER нашри хабарига кўра, ярим ҳимоячи Испания эмас, Гвинея терма жамоасида ўйнаш ниятида.
Гвинея пойтахти Конакрида туғилган Мориба Испания U-17 ва U-18 жамоаларида 9та ўйин ўтказди, лекин Европа жамоасида ўйнашни давом эттиришни хоҳламади. Испания футбол федерацияси унга клуб билан зиддият фонида қўллаб -қувватлаш сўзлари билан хабар юборгани унинг қарорига таъсир қилмади.
"Барселона" футболчиси Африка жамоасидан 1 сентябр куни Гвинея-Бисауга қарши Жаҳон чемпионати саралаш ўйинига чақирилиши кутилмоқда.
