Ёзги трансфер ойнаси ёпилишига оз вақт қолди, аммо "Манчестер Сити" ва "Тоттенхэм" ҳали ҳам ҳужумчи Харри Кейн борасида аниқ тўхтамга келмаган. Mirror Sport нашри хабарига кўра, "шпорлар" президенти Даниэль Леви 150 миллион фунт (175 миллион евро) таклифи тушгандагина музокара столига ўтиришга тайёр. Камроқ пул эвазига ёки шартномага бошқа ўйинчиларни киритиш учун Леви, ҳатто Кейннинг кетиш истаги фонида ҳам рози эмаслигини маълум қилган.
"Манчестер Сити" ҳозирча "Тоттенхэм"га атиги 100 миллион фунт таклиф қилган. Таклифни кўпайтириш учун "шаҳарликлар" ушбу ёзда бир қанча футболчиларни сотиши талаб қилинади. Шу сабабли, Кейннинг ушбу мавсум ҳам лондонликлар сафида қолиши ойдинлашмоқда.