"Реал" ҳужумчиси Винисиус Жуниор "Леванте"га қарши Ла лиганинг иккинчи тур учрашувидан сўнг, ўйин ҳақида фикрлари билан ўртоқлашди.
"Мавсум бошланганидан жуда хурсандман, лекин биз ишлашда давом
этишимиз керак. Мен нафақат якуний нуқтани қўйиш бўйича, балки тактика ва техникада ҳам ишладим. Буларнинг барчаси "Реал"га ёрдам бериш ва мухлисларга қувонч улашиш учун керак.
"Реал Мадрид"ни дуранг ҳеч қачон қониқтирмайди. Ҳар бир учрашувда ғалаба
қозониш учун майдонга тушиш керак. Иккинчи бўлимда "Алавес"га қарши ўйнагандек ўйнаш керак эди, - дея "Реал" матбуот хизмати Винисиуснинг сўзларини келтиради.
Эслатиб ўтамиз, учрашув 3:3 ҳисобида якунланди ва бразилиялик дубл муаллифига айланди. "Реал" ўйин давомида икки маротаба ҳисобда ортда бориб кейинчалик етиб олди.
"Реал Мадрид" икки ўйинда 4 очко жамғарган ва 1-лигада иккинчи ўринда. "Леванте" эса (2 очко) саккизинчи ўринда.
