Дортмунднинг "Боруссия" клуби "Лейпциг" ҳимоячиси Марсель Хальстенберг билан шартнома имзолашга яқин турибди.

Kicker нашри маълум қилишича, томонлар 29 ёшли германиялик чап қанот ҳимоячисининг барча шартлари бўйича келишиб олишган, у ҳам ҳимоя марказида ва ярим ҳимоянинг чап қанотида ўйнаши мумкин.

Ҳальстенбергнинг амалдаги шартномаси 2022 йилда тугайди ва унинг трансфери "асаларилар"га 10 миллион еврога тушади.

Эслатиб ўтамиз, Марсель 2015 йилда "Санкт -Паули"дан 3,5 миллион еврога "Лейпциг"га кўчиб ўтган ва шу вақт ичида Бундеслигада 126 ўйин ўтказган, 10 гол ва 16 голли узатма берган.