"ПСЖ" дарвозабони Жанлуижи Доннарумма клубнинг бошқа дарвозабони Кейлор Навас билан рақобат ҳақида гапирди.
"Рақобат мени қўрқитмайди. Кейлор Навас - ажойиб дарвозабон, лекин мен ўйнаш учун
келдим.
Рақобат иккаламиз учун ҳам яхши, топ жамоаларда ҳар доим бўлган ва бу менга яхшиланишимга имкон беради, шунинг учун муаммо бўлмайди. У ажойиб инсон, биз дўстмиз.
Мен дунёнинг энг яхши дарвозабонларидан бири бўлишни хоҳлайман. Ва бунинг учун сиз бирор нарсани қурбон қилишингиз, тинимсиз ишлашингиз ва камтар бўлишингиз керак - бу энг муҳими ", - дея фикр билдиради Доннарумма GFFN нашрига.
"ПСЖ" 14-июль куни "Милан"дан 22 ёшли Доннарумма трансферини эълон қилди. Шартнома 2026 йилгача амал қилади.