«Тоттнехем» клуби «Милан» футболчиси Френк Кесси билан шартнома имзолаши мумкин. Журналист Алессандро Якобон сўзларига кўра, 24 ёшли футболчи шартномаси бу йил тугайди ва ҳали янгилаш бўйича музокаралар ўтказилмаган.
Келишувга эришилса, Лондон клуби футболчини текин трансфер қилади. Клуб директори Фабио Паратичи футболчи агенти Атаганга билан учрашган. Улар йиллик 8 миллион евро маош масаласида келишувга эришган. Шартнома 5 йилга имзоланиши кутилмоқда.