"Реал" бош мураббийи Карло Анчелотти "Леванте"га қарши дурангдан (3:3) сўнг ўтказилган матбуот анжуманида жамоа ҳақидаги саволга жавоб берди. Ундан ҳужумда афзал вариант ҳақида сўралганда, италиялик мутахассис асосий ўйинчиларни алоҳида ажратиб кўрсатмади.
"Жамоанинг ҳар бир ўйинчисига нечта ўйин дақиқаси беришини айта олмайман. Бизни олдинда кўплаб мусобақалар кутиб турибди.
Бизда Гарет Бэйл, Винисиус, Эден Азар, Карим Бензема ва Лука Йович каби сифатли ҳужумчилар бор. Мухлислар майдонда уларнинг ўйинидан баҳраманд бўлиши керак. Албатта, майдонда ўйнашга лойиқ бўлганларга ўйин амалётини беришимиз керак ", деди Анчелотти.
