"Манчестер Сити" ҳимоячиси Эмерик Льяпорт Испания чемпионатига қайтиши мумкин, деб хабар беради Mundo Deportivo нашри. Малум бўлишича, футболчига "Реал Мадрид" қизиқиш билдирмоқда.
Льяпорт "Сити"да асосий таркибидаги ўрнини йўқотди ва энди жамоасини ўзгартирмоқчи. Манбага кўра, ҳимоячи "Реал" таклифини кўриб чиқишга тайёр, чунки у Испанияга қайтмоқчи.
Эслатиб ўтамиз, Льяпорт 2018 йилда "Атлетик"дан 65 миллион еврога кўчиб ўтгач, "Манчестер Сити" футболчисига айланди. Унинг клуб билан шартномаси 2025 йилгача тузилган. Аввалроқ, "Манчестер Сити" ҳимоячини 60 миллион евро эвазига қўйиб юборишга тайёрлиги ҳақида хабар берилганди.
