«Атлетико» бош мураббийи Диего Симеоне ёзги трансферлар ойнаси ёпилишидан олдин ҳужумчи таркибга қўшилишини кутмоқда. Бу ҳақда Симеоне испан матбуотига берган интервьюсида айтиб ўтди.
«Жамоамизда ҳар бир позиция учун иккитадан ўйинчи бўлиши муҳим. Энди айтишим мумкинки, «Атлетико»га яна битта тоза ҳужумчи етишмаяпти», - дейди Симеоне.
Аввалроқ, «матрасчилар» Душан Влахович билан шартнома имзоламоқчи бўлишганди, аммо «Фиорентина» ҳужумчисини қўйиб юбормоқчи эмас.
«Бинафшалар» Влахович учун 100 миллион евро миқдорида товон пули талаб қилишди.
