«Вэст Хем» клуби «МЮ» футболчиси Жесси Лингард ўрнига янги номзод топди. «Express» нашри хабарига кўра, «Лилл» футболчиси Бамба «болғачилар» эътиборига тушган.
25 ёшли футболчи ўтган йили жамоаси муваффақиятига катта ҳисса қўшди. У мавсум давомида 6 та гол ва 8 та ассист муаллифига айланган. Бамба «Лилл» сафига 2018 йилда «Сен-Этиен»дан келиб қўшилган эди.
Собиқ Франция ёшлар термаси аъзоси учун 25 миллион фунт атрофида нарх белгиланиши мумкин. Бамба учун шунингдек, «Аталанта» ҳамда «Баер» клублари ҳам қизиқиш билдирган.
