Британия матбуоти хабарига кўра, Киран Триппьер ҳали ҳам Мадриднинг "Атлетико" клубини тарк этиши мумкин.
"Арсенал" ўнг қанот ҳимоячисига жиддий қизиқиш билдирмоқда.
"Матрасчилар" бу трансфер учун 34 миллион фунт олмоқчи. Футболчининг амалдаги шартномаси тугашига бор-йўғи бир йил қолганини ҳисобга олсак, бу миқдор "Арсенал"га тўғри келмайди.
Триппьер кутилмаганда Ла Лиганинг дастлабки иккита ўйинида асосий таркибдан чиқиб кетди. Бу омилни кўпчилик испан клуби футболчини сотишга тайёрлигининг ўзига хос белгиси деб билади.













