ФИФА коррупцион жиноятлар пайтида йўқотилган 201 миллион долларга тенг маблағларни қайтариб олади. Бу ҳақда АҚШ Адлия вазирлиги маълум қилди.

2015 йилдаги катта жанжаллар давомида ташкилот раҳбарлари, расмийлар, спорт маркетинг ижрочилари ва бошқа шу каби ҳодимлар кўплаб жиноятларга шериклик қилган.

Департамент 2015 йилдан буён 50 дан ортиқ айбланувчиларга жиноий иш очган бўлиб, улардан 27 киши, жумладан 4 та юридик шахс ўз қилмишига иқрор бўлган. Улардан икки кишига суд ҳукм ўқиб улгурди.

Маблағларни қайтаришда, дастлаб 32,3 миллион доллар(23,5 миллион фунт) тўлаб берилади. Кейинчалик эса маълум давр мобайнида қолган маблағлар ундирила боради.