FIFA korrupsion jinoyatlar paytida yo‘qotilgan 201 million dollarga teng mablag‘larni qaytarib oladi. Bu haqda AQSH Adliya vazirligi ma’lum qildi.
2015 yildagi katta janjallar davomida tashkilot rahbarlari, rasmiylar, sport marketing ijrochilari va boshqa shu kabi hodimlar ko‘plab jinoyatlarga sheriklik qilgan.
Departament 2015 yildan buyon 50 dan ortiq ayblanuvchilarga jinoiy ish ochgan bo‘lib, ulardan 27 kishi, jumladan 4 ta yuridik shaxs o‘z qilmishiga iqror bo‘lgan. Ulardan ikki kishiga sud hukm o‘qib ulgurdi.
Mablag‘larni qaytarishda, dastlab 32,3 million dollar(23,5 million funt) to‘lab beriladi. Keyinchalik esa ma’lum davr mobaynida qolgan mablag‘lar undirila boradi.
