«Челси» академияси битирувчиси Ике Угбо «Генк» клубига ўтди. Хабарларга кўра, ёш ҳужумчи 7,5 миллион евро эвазига Бельгияга йўл олган. «Аристократлар» бу ёзда бир нечта ҳужумчилари, жумладан Жиру, Абрахамларга чиқиш эшикларини кўрсатди. Энди эса Угбо сотиб юборилди.
Футболчи 2007 йилда жамоа мактабига келган. Угбо охириги иккита мавсумда ижарада тўп сурди. Шартнома 3,5 миллон, бонуслар билан 7,5 миллион қилиб белгиланди. Шунингдек, кўклар келажакдаги трансфердан тушган фойдани 20 фоизини оладиган бўлди.
