"Интер" яқин вақтлар ичида "Лацио"нинг аргентиналик ҳужумчиси Хоакин Корреанинг трансферини эълон қилиши мумкин, дея хабар беради журналист Фабрицио Романо.

Манбага кўра, "Интер" футболчини 30 миллион евро тўлаш мажбурияти билан бир йилга ижарага олади. Бундан ташқари, бу миқдор бонуслар ҳисобига бир неча миллионга кўпайиши мумкин. Бироқ, аргентиналикка ҳали ҳам "Эвертон" даъвогарлик қилмоқда.

27 ёшли Корреа ўтган мавсум "Лацио" таркибида 38 ўйинда майдонга тушиб, 11 гол ва 6 голли узатма муаллифи бўлган. Унинг клуб билан шартномаси 2024 йилнинг ёзигача амал қилади.