«Барселона» ўз ҳужумчиси Усмон Дембеле билан янги шартнома борасида музокара олиб бормоқда, деб хабар беради Mundo Deportivo. Манбага кўра, яқин орада томонлар янги шартнома имзолаши кутилмоқда.
Хабар қилинишича, Дембеле ва клуб ўртасидаги музокаралар анча яхши давом этмоқда. Футболчининг ўзи «Барселона»да қолишни истайди ва маошини қисқартиришга тайёр. Ўз навбатида Рональд Куман французга умид боғламоқда ва уни яқин келажакда жамоа етакчиларидан бири сифатида кўради.
Эслатиб ўтамиз, Дембеле 2017 йилда 135 миллион евро эвазига «Боруссия Д»дан «Барселона»га кўчиб ўтган эди. Унинг клуб билан шартномаси 2022 йилда якунига етади.
