"Тоттенхэм" ҳужумчиси Харри Кейн кеча инстаграмдаги саҳифаси орқали "шпорлар" сафида қолишини маълум қилди. Лондон нашрларининг маълум қилишичаа, бунинг учун ҳужумчи Англия чемпионатида энг кўп маош оладиган футболчи бўлишни хоҳламоқда.
Кейн "шпорлар" раҳбариятидан ҳафтасига 400 минг фунт маош талаб қилади. Айни пайтда "Манчестер Сити" ярим ҳимоячиси Кевин Де Брюйне ҳафтасига 385 минг фунт стерлинг билан чемпионатда энг кўп маош оладиган футболчи бўлиб турибди.
Қайд этилишича, Ҳаррининг талабига Лондон клуби раҳбарияти аниқ фикр билдирмаган. Маълум бўлишича, клуб яқин вақт ичида Кейннинг истагига ўз позициясини билдиради.

Маълумот ўрнида, жорий мавсум трансферлар ойнаси вақтида англиялик ҳужумчи жамоадан кетмоқчилигини маълум қилган. Унга асосий харидор "Манчестер Сити" эди. Бироқ, "Тоттенхэм" президенти Даниэль Леви футболчини сотмаслигини маълум қилган.