«Милан» «Порту хавбеки Хесус Коронани сотиб олмоқчи, деб хабар беради Sky Sport Italia.

Манбага кўра, яқин кунларда «россонерилар» «Порту» билан учрашиб, ушбу трансферни муҳокама қилишлари мумкин. «Милан» аллақачон 10 миллион евро миқдоридаги таклифни жўнатган. «Порту» ўз навбатида футболчини 17 миллион эвазига қўйиб юборишга тайёр. Янги таклиф 15 миллион еврога тенг бўлиши кутилмоқда.

Аввалроқ, «Севилья» мексикаликнинг трансфери борасида ҳам ўз чиқишини кўрсатгани ҳақида ҳам хабар берилганди.

Маълумот учун, Португалия чемпионатининг сўнгги мавсумида Корона «Порту» сафида 30 та ўйинда майдонга тушиб, 2 та гол урди ва 7 та голли узатмани амалга оширди.