"Барселона"нинг ёш яримҳимоячиси Илайш Мориба фаолиятини "Тоттенхэм"да давом эттиради.
Инсайдер Николо Скира хабарига кўра, яримҳимоячи Лондон клуби билан 2025 йилнинг ёзигача шартнома имзолайди.
18 ёшли футболчи янги шартнома шартлари борасида келиша олмагани учун "Барса"ни тарк этишга қарор қилди.
Маълум бўлишича, у каталонияликлар шартлари бўйича шартномани янгиламоқчи эмас. "Барселона" бунинг учун тахминан 15-20 миллион евро талаб қилади. Битимнинг якуний маълумотлари яқин вақтларда эълон қилиниши айтилмоқда.