Журналист Фабрицио Романонинг ёзишича, "Челси" футболчи Курт Зумани 30 миллион еврога сотишга рози бўлган. Манбага кўра, томонлар келишувга эришган ва ҳозирда керакли ҳужжатларни имзолашмоқда.
Қизиғи шундаки, олдинроқ Франциянинг TF1 телеканали ҳимоячининг "Вест Хэм"га ўтиши муваффақиятсиз бўлгани ҳақида хабар берган эди.
26 ёшли француз футболчиси жорий мавсум "Челси" сафида 1та ўйин ўтказди. У ўтган
мавсумда 36та ўйинда майдонга тушиб, 5та гол урганди. Трансфермаркт портали уни 32 миллион еврога баҳоламоқда.
Аввалроқ, француз ҳимоячисига "Тоттенхэм" қизиқаётгани ҳақида хабар берилганди. Зума "Челси" сафига 2014-йилда "Сент-Этьен" клубидан қўшилган. Бу вақт ичида ҳимоячи "Сток Сити" ва "Эвертон"да ижарада ўйнашга ҳам улгурди.
