Франция терма жамоаси бош мураббийи Дидье Дешам нега Оливье Жируни таркибга жалб қилмаганига изоҳ берди. Мутахассис сентябрь ойидаги ЖЧ саралаши учун 23 кишидан иборат таркибни шакллантирган ва унга Жиру киритилмаган.
У шундай дейди: «Бу футбол нуқтайи назаридан қабул қилинган қарор. Бизда жуда кучли асосий таркиб учун курашувчи 23 та футболчи мавжуд. Бу менинг танловим, аммо Оливье ўз ўйинларини яхшилай борса, у қайтиши мумкин».
Жиру ёзги трансферлар ойнасида эркин агент сифатида «Милан» сафига бориб қўшилган эди. Франция терма жамоаси гуруҳ баҳсларида «Босния ва Герцогавина», «Украина» ҳамда «Финландия»га қарши ўйинлар ўтказишади.
