"Челси" француз ҳимоячиси Жюль Кунде учун "Севилья"га 50 миллион евролик расмий таклиф жўнатишга тайёр, деб хабар берди журналист Фабрицио Романо ўз твиттеридаги саҳифасида.
Бироқ, манба берган хабарга кўра, "Севилья"ни бундай таклиф қониқтирмаяпти, клуб ундан юқорироқ товон пули олиш ниятида. Келишув кескинлашмоқда, аммо музокаралар давом этмоқда.
Аввалроқ, "Севилья" Франция терма жамоаси ҳимоячисини бозор нархидан паст нархда бўлишни истамаётгани ҳақида хабар берилганди. Испанлар "Челси"дан тахминан 80 миллион евро сўрашди. "Аристократлар" Кунденинг ватандоши Курт Зумани битимга жалб қилишга тайёр эдилар,
аммо "Севилья" буни рад этди. Шунингдек, Кунде Чемпионлар лигасида ўйнашни хоҳлаётгани ва шу сабабдан "Тоттенхэм"га ўтишдан бош тортаётгани қайд этилди.
Кунде 2019 йилдан буён андусияликлар шарафини ҳимоя қилади ва бундан олдин у "Бордо"да ўйнаган. Ўтган мавсумда Жюль Испания клубининг 34 учрашувида қатнашди, иккита гол урди, битта голли узатма берди ва тўртта сариқ карточка олди.
