«Ливерпуль» клуби бош мураббийи сешанба куни трансфер ойнаси ёпилишидан олдин «Брайтон» футболчисини таркибга олиб келмоқчи. Хабарларга кўра, Клопп Ив Биссума трансферини амалга оширмоқчи.
«Daily Express» нашри хабар қилишича, «Ливерпуль» юқори баҳоланган футболчи учун расмий таклиф юборган. Албионликлар Мали терма жамоаси аъзоси учун 40 миллион фунт атрофида нарх белгилаши мумкин. Клопп 24 ёшли Биссумани жамоасининг асосий футболчисига айлантириш ниятида.
Биссума «Брайтон» менежери Граҳам Поттер жамоасида 2018 йилдан бери тўп суради. Футболчи «Лилл»дан 15 миллионга харид қилинган. Аввалроқ Биссумага «Арсенал» ва «МЮ» ҳам қизиқаётгани ҳақида хабар қилган эдик.
