"Эвертон"нинг италиялик ҳужумчиси Моисе Кин "Ювентус"га ўтишга яқин турибди. Бу ҳақда журналист Николо Скира ўз твиттердаги саҳифасида хабар беради.
Манбага кўра, битим, агар маълум шартлар бажарилган бўлса, 25 миллион еврога сотиб олиш мажбурияти билан ижара сифатида расмийлаштирилиши мумкин. Футболчи билан "1 + 4" схемаси бўйича шахсий шартнома аллақачон келишилган (бир йил ижарага ва тўлиқ трансфердан кейин тўрт йил).
Қайд этилишича, венесуэлалик ҳужумчи Хосе Соломон Рондон "Эвертон"да Кини ўрнини эгаллаши мумкин. Форвард аллақачон Рафаэль Бенитес мураббийлик қилаётган "Эвертон"га ўтиш истагини билдирган. Футболчи ҳозирги Хитой клуби - "Далиан Про" билан шартномани бекор қилиши мумкин. Хитой клубини бундай қадам ташлашга мажбурлаётган асосий сабаб - жиддий молиявий муаммолар. "Далиан"даги муаммодан Рондон билан таниш бўлган "Эвертон" боши Бенитес бундан фойдаланишга тайёр.
