«Манчестер Сити» клуби бош мураббийи Пеп Гвардиола Ҳарри Кейн трансфери ҳақида фикр билдирди. У бу курашда ютқазганини ва умидсизликка тушганини яшириб ўтирмади:
«Бу учун клуб қўлидан келган ҳаммасини қилди. Нариги томон музокараларга киришишни истамади. Агарда бир жамоа трансфер масаласида гаплашишни хоҳламаса, ҳеч нарса содир бўлмайди. Жуда тушунарсиз ҳолат. «Тоттенхем» гаплашишни истамади ва шу сабаб биз ҳам гаплаша олмадик. Агар улар бизга имкон берганида балки нимадир бўлиши мумкин эди. Балки улар 200 миллион фунт истагандир. Лекин бизда бунча пул йўқ. Табиийки, бунда ҳам трансфер бўлмас эди. Даниел Леви ҳаммасини биларди. У истамади ва Кейн Лондонда қолди. Бошқа гап йўқ, бу ерда. Лекин мен Кейнни ўз жамоамда кўришни хоҳлар эдим».
