«Manchester Siti» klubi bosh murabbiyi Pep Gvardiola Harri Keyn transferi haqida fikr bildirdi. U bu kurashda yutqazganini va umidsizlikka tushganini yashirib o‘tirmadi:
«Bu uchun klub qo‘lidan kelgan hammasini qildi. Narigi tomon muzokaralarga kirishishni istamadi. Agarda bir jamoa transfer masalasida gaplashishni xohlamasa, hech narsa sodir bo‘lmaydi. Juda tushunarsiz holat. «Tottenxem» gaplashishni istamadi va shu sabab biz ham gaplasha olmadik. Agar ular bizga imkon berganida balki nimadir bo‘lishi mumkin edi. Balki ular 200 million funt istagandir. Lekin bizda buncha pul yo‘q. Tabiiyki, bunda ham transfer bo‘lmas edi. Daniyel Levi hammasini bilardi. U istamadi va Keyn Londonda qoldi. Boshqa gap yo‘q, bu yerda. Lekin men Keynni o‘z jamoamda ko‘rishni xohlar edim».
