«Арсенал» клуби футболчиси ва сардори Обамеянг клубни сўнгги сонияларда тарк этиши мумкин. Гарчанд у мавсумда дастлабки хет-тригини қайд этган бўлса ҳам, жамоани тарк этишга яқин турибди.
Микел Артета уни кетмаслигини айтганидан 24 соат ўтиб, габонликка «Ювентус» клуби таклиф билан чиққан. Туринликлар Роналду ўрнига ҳужумда яхши вариант қидирмоқда. Шу билан бирга клуб «Эвертон»дан Мойзе Кинни қайтариб олишга ҳам ҳаракат қилган.
Аммо уларга марказий ҳужумда тажрибали футболчи ҳам керак бўлади. Хабарда айтилишича, «Юве» ҳужумчи учун 20 миллион евро атрофида нарх белгилайди.
