"Реал Мадрид" клубининг собиқ бош мураббийи Фабио Капелла Роналдунинг "Манчестер Юнайтед"га ўтиши борасида фикр билдирди.
"Менимча, у ҳозирги «Ювентус»нинг ҳолатидан хулоса чиқарган. Ўйлайманки, у бугун «Юве»да халқаро миқёсдаги мусобақаларда кураш олиб бориш учун куч йўқлигини билди. «Ювентус» Чемпионлар Лигасида уч йил омадсизликка учради. Эҳтимол, шунинг учун у кетишга қарор қилган.
Мен ҳар доим чемпионларни ҳурмат қилганман. Менимча, буюк чемпионлар жамоага ғалаба қозонишга ёрдам беради, лекин шу билан бирга, орқасида ажойиб оркестри бўлмаган битта ўйинчи доимий натижа бера олмайди ", - деди Капелло.
