"Манчестер Сити" АПЛ 3-тур учрашувида ўз майдонида "Арсенал" ни 5:0 ҳисобида мағлуб этди.

"Шаҳарликлар" кўпчилик статистик кўрсаткичлар бўйича рақибини ортда қолдирди. Пеп Гвардиола шогирдлари 80,9%, "канонирлар" эса 19,1% тўпга эгалик қилишган.

Микель Артета шогирдлари бутун ўйин давомида дарвоза томон бирорта ҳам зарба беришмади, рақиблар дарвоза томон 10 марта зарба беришди. Зарбалар бўйича умумий ҳисоб 25:1, "Сити" фойдасига.

Қолаверса, мезбонлар бутун учрашув давомида 757 марта, меҳмонлар 179 та пасни амалга оширишди.

Таъкидлаш жоизки, "Арсенал" 35-дақиқадан бошлаб Гранит Жаканинг четлатилиши туфайли, майдонда бир киши кам бўлиб ҳаракат қилишди.