Бугун «Тоттенхем» ўз майдонида «Уотфорд» клубини қабул қилади.
Мазкур баҳс олдидан қизиқарли маълумотларни тақдим этамиз.
Биласизми?
Нуну Эшпириту Санту АПЛдаги илк уч учрашувида ғалаба қозонган биринчи «шпорлар» мураббийи бўлиши мумкин.
Сон Хён Мин АПЛ доирасида ўтказилган «Уотфорд»га қарши 9 баҳсда 5 марта гол уришга эришган. Кореялик вингер фақатгина «Саутгемптон» дарвозасига бугунги рақибидан кўра кўпроқ тўп (9) киритган.
«Уотфорд» АПЛнинг охирги 7 сафар баҳсларида мағлубиятга учраган ва шулардан кетма-кет бештасида бирорта гол ура олмаган.
1982 ва 1985 йиллар давомида «шпорлар» майдонидаги кетма-кет 3 ғалабадан сўнг, «Уотфорд» Премьер-Лига доирасидаги охирги 10 ўйиннинг тўққизтасида мағлуб бўлган (1 дуранг).
Баҳс расмийлари
Бош ҳакам: Андре Маринер
Қанот ҳакамлари: Саймон Лонг, Эдди Смарт
Захира ҳаками: Греҳем Скотт
ВАР: Жарред Жиллет
ВАР ёрдамчиси: Жеймс Мейнвейринг
Тахминий таркиблар
Тоттенхем - Льорис, Танганга, Санчес, Даер, Регильон, Алли Скипп, Хойберг, Моура, Сон, Кейн
Уотфорд - Бекман, Катхарт, Труст-Эконг, Кабаселе, Масина, Этебо, Сарр, Клеверли, Лоуза, Семма, Деннис.
Йўқотишлар
Тоттенхем — Картер-Виккерс ва Жо Родон жароҳат сабаб майдонга туша олишмайди. Тангуй Ндомбеле эса спорт формасини тиклаб олишга улгурмаган.
Уотфорд — Жоао Педрода ҳам жароҳат бўлса, Натаниел Чалоба учрашувга жисмоний томондан тайёр эмас. Юрай Кутска ҳам жароҳат олган, лекин унинг майдонга тушиши сўроқ остида.
Рақамлар
«Уотфорд» АПЛнинг сўнгги 7 сафар учрашувнинг олтитасида ҳам биринчи бўлимда ҳам тўлиқ ўйинда мағлуб бўлган.
«Уотфорд» АПЛнинг охирги 5 ўйинида камида иккитадан гол ўтказиб юборди.
«Тоттенхем» АПЛдаги сўнгги 3 ўйинда ғалаба қозонган.
«Тоттенхем» барча мусобақаларда «Уотфорд» билан охирги 8 беллашувда мағлубиятга учрамаган.
Жамоалар АПЛда ўзаро 14 марта учрашишган. Шуларнинг саккизтасида лондонликларнинг қўли баланд келган ва фақат бир бор «Уотфорд»нинг ғалабаси қайд этилган. 5 ўйинда муроса йўли танланган.
Эслатиб ўтамиз, «Тоттенхем» ҳамда «Уотфорд» жамоалари ўртасидаги учрашув бугун Тошкент вақти билан 18:00 да бошланади.
