Криштиану Роналду АПЛ тарихидаги энг кўп маош олувчи футболчига айланади. "Telegraph" нашрининг хабарига кўра, португалияликнинг қайтиши, уни рекорд даражада маош билан таъминлаши мумкин.
Роналдунинг эски жамоадоши Рафаел Вараннинг "МЮ"га кўчиши, уни АПЛда энг катта маош эгасига айлантирган эди. Унинг хизматлари ҳафтасига 400 минг фунт этиб белгиланган.
Энди эса Роналду бу номга сазовор бўлади. У ҳафтасига 560 минг фунт маош билан таъминланадиган бўлди. Бу АПЛда энг юқори кўрсаткич ҳисобланади. Бундан олдин фақат "МЮ"нинг собиқ ўйинчиси Алексис Санчезгина шунга яқин маош олар эди.
Дунё бўйича эса Лео Мессининг маоши мутлақ етакчиликка эга. Унга Парижда ҳафтасига қарийб 1 миллион фунт ҳақ берилади.
