«Милан» мухлислари «ПСЖ»га ўтган собиқ дарвозабон Жанлуиджи Доннаруммага таҳдид қилишди, деб хабар беради Football Italia.
Италия чемпионатининг 2-туридан ўрин олган «Кальяри» билан ўйиндан олдин (4:1), итальян клуби мухлислари Доннарумма номига ёзилган баннерларни осиб қўйишди.
Бир ёзувда: «Биз хоинларни унутмаймиз. Миланга қайтганингда эҳтиёт бўл», иккинчисида - "Доннарумма, ношукурсан", изоҳларини кўриш мумкин эди.
Маълумот учун, 22 ёшли Доннарумма «Милан» тарбияланувчиси ҳисобланади ва «ПСЖ»га эркин агент сифатида ўтган.
У клуб билан 2026 йилнинг ёзигача шартнома имзолади.