Туриннинг «Ювентус» клуби Роналдуни «МЮ»га ўтганини тасдиқлади. Клуб футболчига энг яхши тилакларни истаб хат ёзди. Унда шундай жумлалар келтирилади:

«2018 йилнинг 10 июлида Европа ва дунё футболининг иккита афсонаси бирлашди. Криштиану Роналду «Ювентус» футболчисига айланди. Уч йилдан кейин эса у билан яратилган тарих ўз ниҳоясига етди. CR7 ва «Юве» айрилишди. Бу давр мобайнида у 133 та учрашувда 101 та гол уриб, 5 та соврин қўлга киритди... Бу ажойиб эди. Ёзилган тарих ёзилганидек қолади. Бу эсда қоларли саргузашт бўлди».

Аввалроқ Роналду «МЮ»да тиббий кўрикдан муваффақиятли ўтгани ҳақида хабар қилинган эди.