«Арсенал» клуби футболчиси Эктор Белерин Ла лига вакили «Реал Бетис»га ижарага берилиши мумкин. Хабарларга кўра, испаниялик ҳимоячи сешанба кунги муддатдан илгари Бетис жамоаси тиббий кўригидан ўтказилиши кутилмоқда.
26 ёшли футболчи 2011 йилда «Арсенал» таркибига «Барса» академиясидан келиб қўшилган. У кўп йиллар жамоанинг асосий таркиб футболчиси бўлиб келди. Аммо Микел Артета қўл-остида таркибдан тушиб қола бошлади.
Шу сабаб Белерин Испанияга йўл олади. Унинг канонирлар билан амалдаги шартномаси 2023 йилгача мўлжалланган.
