Бугун Англияда Ассоциация кубогининг нимчорак финал учрашувлари бўлиб ўтади.

Уларнинг биринчиси бундан бироз олдин ниҳоясига етди. Унда Лондоннинг “Челси” клуби 1-дивизиони вакили “Бирменгҳэм” клуби билан куч синашиб ғолибни аниқлай олишмади.

Учрашувнинг дастлабки қисмида бирменгҳэмликлар устунлик қилишди ва 21-дақиқада ҳисобни очишди. Дэвид Мёрфи гол муаллифига айланди. Ўша голдан бир дақиқа ўтар-ўтмас лондонликлар пенальти тепиш ҳуқуқини қўлга киритишди. Бироқ Хуан Мата имкониятдан фойдалана олмади.

Андре Виллаш-Боаш шогирдлари фақатгина 62-дақиқага келибгина ҳисобдаги фарқни тенглаштиришди. Даниэль Старриж ўзи шундоғам «қимирлаб қолган» Виллаш-Боаш курсисини бироз тинчлантирган гол муаллифига айланди.

Энди ғолиб номи жавоб учрашувида аниқланади. ФА кубоги қоидаларига асосан битта учрашувда ғолиб аниқланмаса жавоб учрашуви ташкил қилинади.

АНГЛИЯ  КУБОГИ. 1/8 финал

ЧЕЛСИ – БИРМИНГҲЭМ 1:1 (0:1)
Голлар:  Старриж (62) – Дэвид Мерфи (20).

ЧЕЛСИ: Чех, Бертран, Давид Луиз, Кэйхилл, Иванович, Мейрелеш, Рамирес, Оби Микел (Калу, 57), Мата (Лэмпард, 83), Торрес (Дрогба, 46), Старриж.
БИРМИНГҲЭМ: Кол. Дойл, Карр (Спектор, 13), Пабло, Керт. Дэвис, Дэв. Мерфи, Гомис, Фэйхи, Редмонд, Матч, У. Эллиотт (Берк, 83), Адам Руни (Жервис, 71).
Огоҳлантиришлар: Кэйхилл (55), Давид Луиз (90) – Матч (34).