Англия терма жамоаси устози Гарет Саутгейт Будепештдаги ирқий камситиш билан боғлиқ вазиятга ўз муносабатини билдирди. У ўйиндан кейинги матбуот анжуманида шундай дейди:
"Ўйин давомидаги бехабар қолган нарсаларимизни ўрганишга ҳаракат қиляпман. Бу ерда каттароқ кўламга эга воқеалар юз берганга ўхшайди. Ҳамма бизни жамоа сифатида нимага қарши туришимизни билади ва бу нарсалар жамиятда қабул қилинмайди. Ҳамма УЕФАга бу ҳақда хабар берди. Энди кўрамиз нима бўлишини. Барчамиз, бутун дунё ирқий камситишга қарши тураётган бир пайтда бундай воқеаларни кўриш ачинарли, албатта. Мен бу ҳақда футболчилар билан гаплашишга улгурмадим. Чунки мен бехабар эдим. Венгриялик мухлислар бизни кўрсаткич бармоқлари билан кўрсатиши адолатдан эмас".
