Tuttosport нашри хабарига кўра, "Ювентус"нинг собиқ футболчиси Алессио Таккинарди "кекса синьора"нинг собиқ ҳужумчиси Криштиану Роналдуни танқид қилди.
"У бутунлай бошқача тарзда кетиши кетиши ва шахсий самолётда қочиб кетмаслиги керак эди, Аллегри билан "Эмполи"га қарши ўйинга бориши, клуб мухлислари билан хайрлашиш учун матбуот анжуманини кутиш керак эди. Мухлислар у билан хайрлашишга лойиқ. Криштиану кетиши билан "Ювентус"ни трансфер стратегиясида катта ўзгаришларга дучор қилди. Бир неча кун ичида клуб унга ўринбосар топишига тўғри келди", - деди Таккинарди.
Эслатиб ўтамиз, 27 август куни футболчи "Манчестер Юнайтед" билан шартнома имзолаган эди.
Криштиану Роналду "кекса синьора" сафида 133та ўйин ўтказди ва 101та гол урди.
