"ПСЖ" ва Италия терма жамоаси ярим ҳимоячиси Марко Верратти Швейцарияга қарши Жаҳон чемпионати саралаш ўйинини ўтказиб юбориши мумкин. Бу ҳақда La Gazzetta dello Sport нашри хабар бермоқда.
Яримҳимоячи Болгария билан ўйинда (1:1) тиззасидан жароҳат олди. Верратти учрашувни тугатганига қарамай, эртага у майдонга тушмаслиги мумкин. Футболчи бугун тиббий кўрикдан ўтади. Агар Марко Верратти Италияга ёрдам бера олмаса, унинг ўрнини Мануэль Локателли эгаллайди.
Швейцария - Италия учрашуви 5-сентябр куни бўлиб ўтади. Ўйин бошланиш вақти - Тошкент вақти билан 23:45.
