"ПСЖ" томонидан футбол дунёсида қилинган энг қиймати баланд трансфер бўлган Неймар хариди жуда катта шов-шувларга сабаб бўлган эди. Француз клуби бразилиялик ҳужумчи учун 200 миллион фунт тўлаган.
Бу ундан олдинги энг баланд ҳисобланган Погбанинг 89 миллион фунтлик трансферидан икки баробарга кўп демакдир. Аммо Неймарнинг Париждаги ишлари кўнгилдагидек кечмади. У жамоага келганидан бери ички чемпионатнинг 156 та баҳсидан атиги 71 тасида иштирок эта олди, холос. Бу умумий миқдорнинг 45 фоизни ташкил этади.
Бу давр мобайнида Неймар ўз ҳисобига эса, 87 та гол ёздирган. "Эл Мундо" нашри ҳисоботида келтирилишича, "ПСЖ" Неймарни сотиб олганидан бери унга 489 миллион евро маош берган. Унинг йиллик маоши 43,4 миллион еврони ташкил этади.
Кейинги йилдан бошлаб, Неймар 50,6 миллион евро йиллик маош билан таъминланиши кутилмоқда. Бу футбол дунёсидаги ҳар қандай юлдузни маошидан кўпроқ қиймат ҳисобланади.
