Италия Футбол Федерацияси тартиб-интизом қўмитаси "Интер" ҳужумчиси Люк Кастайносни «А» сериянинг учта ўйинига дисквалификация қилди, дея ҳабар бермоқда АР.
"Интер" ҳужумчиси "Болонья"га қарши кечган учрашув пайтида (0:3) рақиб ҳимоячиси Андреа Раджининг юзига тупурган ва бунинг учун ҳакам томонидан жазоланмаган эди.
19 ёшли голландиялик ҳужумчининг ушбу ҳатти-ҳаракати ўйин ҳакамининг назаридан четда қолган ва шунинг учун жазоланмай қолган эди.
Вазиятни ўрганиб чиққан ИФФ тартиб-интизом қўмитаси эса Кастайносни рақибига нисбатан амалга оширган қилиғини кечириб ўтирмади. "Интер" ҳужумчиси "А" сериянинг учта ўйинидан четлатилди.
