Яримҳимоячи Муҳаммад Эль-Ненни "Арсенал"ни келаси йилнинг январигача тарк
этмайди.

Англия ва Европанинг барча асосий лигаларида трансфер ойнаси ёпилганига қарамай, 8 сентабргача Туркияда очиқ бўлади. Шу сабабли, 29 ёшли мисрлик яримҳимоячининг хизматларига Туркиянинг "Бешиктош" ва "Галатасарой" каби гранд жамоалари қизиқиш билдиришмоқда. Daily Mail нашри хабарига кўра, турк клубларининг ҳеч бири Эль-Ненни агентлари билан шахсий шартнома шартлари бўйича келиша олмаган. Маълум бўлишича,

Истанбул клублари футболчига 15 миллион евро эвазига 4 йиллик шартнома таклиф қилишган. Шундай қилиб, Муҳаммад "канонирлар"ни эркин агент мақомида тарк этади (2022 йилнинг ёзида), ёки январ ойида маълум миқдордаги суммага сотилади.