Аргентина терма жамоасининг жисмоний тайёргарлик бўйича собиқ мураббийи Фернандо Синьорини ватандоши Лионель Мессининг «Барселона»дан «ПСЖ»га ўтиши борасида ўз фикрини билдириб ўтди.
– Мессининг терма жамоадаги келажаги борасида нима дея оласиз? Унинг «ПСЖ»га ўтишига фикрингиз қандай?
– Ўйлашимча, бу ажойиб танлов. Ахир Лео жаҳон чемпионатига яхши жисмоний форма ва тўғри иштиёқ билан келиши керак. Агар у «Барселона»да қолганида, ўзининг савиясига мос бўлмаган жамоада ўйнашига тўғри келарди. Ҳозирги кунда «Барса» аввалги савияда эмас.
Ишончим комил, Лео «ПСЖ» сафида ўз орзуларини амалга ошириш учун кўпроқ имкониятга эга бўлади. Бу эса унга ЖЧ-2022га юқори кайфиятга келиш учун ёрдам беради. Албатта, бунинг учун яхши натижалар керак.
