Америка қўшма штатларида теннис бўйича Улкан тож туркумига кирувчи «US Open» турнири бўлиб ўтмоқда. Бугун аёллар ўртасида мусобақанинг финалчилари номи маълум бўлди.

Дастлабки ярим финал канадалик Лейла Фернандес ва беларуслик Арина Сабаленка ўртасида кечди. Унда 19 ёшли Лейла мусобақанинг иккинчи рақамли ракеткасини 3 сетда мағлуб этди — 7-6 (3), 4-6, 6-4.

Иккинчи ярим финал эса мусобақа кашфиётчиси Эмма Радукану (Буюк Британия) ва исроиллик Мария Саккари ўртасида кечди. 18 ёшли Эмма тажрибали рақибига ҳеч қандай имконият қолдирмади — 6-1, 6-4. Эътиборли томони, Радукану ўз иштирокини саралаш босқичидан бошлаган эди. Шу тариқа, «US Open» тарихида илк марта саралаш босқичида иштирок этган спортчи финалга чиқди.

Финалда эса 18 ёшли Эмма 19 ёшли Лейла Фернандесга қарши кортга чиқади.

«US Open». Аёллар, ярим финал
Лейла Фернандес (Канада) - Арина Сабаленка (Беларусь) — 7-6 (3), 4-6, 6-4.
Эмма Радукану (Буюк Британия) - Мария Саккари (Исроил) — 6-1, 6-4