«Манчестер Юнайтед» бош мураббийи Алекс Фергюсоннинг баёнот беришича, у клуб раҳбарияти билан ўзининг эҳтимолли вориси ҳақида маслаҳатлашганича йўқ, бироқ манкунианликларни шуғуллантириш учун зарур сифатларни санаб ўтган.

«Биз бу борада муҳокамалашиб олганимизча йўқ. Ҳозир бундай суҳбатлар жуда хавфли.

Айни вақтда АПЛда беш-ўн мураббий ўз вазифасида муваффақиятли ишламоқда. Қолганлари эса лавозимини сақлаб қолиш учун жон куйдирмоқда.

Фикримча, «МЮ»га ким бўлганда ҳам, тажрибалироқ одам керак. Агар мен жамоани ҳозир бошқаришга киришганимда, менга осон бўлмас эди, чунки бу ўта жиддий синов бўларди», — дея Фергюсон сўзларидан иқтибос келтиради Sky Sports.