Бугун Тошкент вақти билан 18:45 да Доҳадаги «Ал-Арабий» стадионида Ўзбекистон олимпия терма жамоаси Ироқ олимпиячиларига қарши Лондон олимпиадаси III саралаш босқичи, «В» гуруҳи 5-тур учрашувида майдонга тушишади.
ЎФФ расмий твиттерининг хабарларига кўра олимпия терма жамоамиз кеча шу стадионда ўйинолди машғулотларида иштирок этган.
Ўзбекистон олимпия терма жамоаси менежери Асқар Толибжоновнинг билдиришча, «Йигитлар ўйинга тайёр. Жароҳат олганлар йўқ. Шукрки, ҳамма соғ-саломат. Режа асосида машғулотлар ўтказилаяпти. Муаммо йўқ».
Эслатиб ўтамиз, олимпиячиларимизни қўллаб-қувватлаш учун 30 дан зиёд фанатларимиз Доҳада бўлиб туришибди.
