"Эвертон" клуби бош мураббийи Рафаел Бенитез Хамес Родригез ҳолати ҳақида фикр билдириб ўтди. У душанба куни бўлиб ўтадиган "Бёрнли"га қарши ўйин олдидан шундай дейди:
"У (Родригез) биз билан машғулотлар ўтамоқда. Биз у билан келажаги ҳақида гаплашиб олдик. Унга бир нечта клублар қизиқмоқда. У шу ерда ва жамоадошлари билан. Баҳсларга тайёр бўлиш учун Хамес майдонга тушиши керак, давомий ўйнаши лозим. Ҳозир эса у бошқалар соясида қолиб кетмоқда. Ўйинчилар биз нима хоҳлаётганимизни тушуниши керак. Биз ҳар бир ўйин учун энг яхшиларни танлаб оламиз. Бунда Хамесдан янги жамоа ва услубга кўникиши талаб этилади".
